फतै पाई जंगा धकाई पातसाही फौजां,
उग्र ताईं पीढी पिढी दिखाई आरोड ।

चित ऊँचे क्रीत जादां लेण वाली राव चांपा,
रीत बाप दादां वाली ना चूको राठौड ॥

भंडा जोधांनैसरा मुकटां मणी बाध भूरा,
पगां गलां खतंगी रीधु रा सिधां पार ।

साहसीक जाडे भाग जाणीयों जिहान सिंभू,
आडै अंक मारू चंपै आंणियों आभार ॥

नवा कोटां नाथरा सुभदा छोटा आप नांमी,
वांमी बंध लाखां पात आथरा बरीस ।

ठिकाणै पाटवी चांपा पाथरा प्रवाड ठावौ,
धरा चापो दानी कहा तरां सुरां धींस ॥